Сыңғырла алғашқы қоңырау

Жетісу облысы білім басқармасы Ескелді ауданы бойынша білім бөлімінің мемлекеттік мекемесінің «Қаратал орта мектебі мектепке дейінгі шағын орталығымен» коммуналдық мемлекеттік мекемесіндегі «Сыңғырла алғашқы қоңырау» атты алғашқы қоңырау салтанатты мерекесінің өткізілуі туралы 

МӘЛІМЕТ  

    Қаратал орта мектебінде 2024-2025 оқу жылындағы алғашқы қоңырау мерекесі жоспарға сай өтті. Салтанатты іс-шара өткізілетін орын алдын ала тақырыпқа сай безендіріліп, музыкамен жабдықталды. Алдын ала қонақтарға, ардагер ұстаздарға шақыру жіберілді.

   Салтанатты жиында Республикамыздың Туы шығарылып,   Қазақстан республикасының   Гимнімен басталды.  

      Жаңа оқу жылының басталуымен мектеп директоры Ғ.Н.Макипбекова алғашқы құттықтау сөз алды. Қаратал ауылдық округінің әкімі Алимбаев Серік Мұратұлы құттықтау сөз сөйлеп, оқушылар мен ұстаздарға ізгі тілегін білдірді. 

           Мектеп табалдырығын жаңа аттаған  бүлдіршіндерді 11 сынып оқушылары сынып жетекшілерімен   әсем әуен ырғағында  ортаға салтанатпен әкелді. Кішкентай бүлдіршіндер оқушылық өмірге қатысты өлеңдерін оқып, 11 сынып оқушылары оларға ақыл, өсиеттерін өлең жолдарымен жеткізді. 

           2024-2025 оқу жылындағы алғашқы қоңырау соғу мәртебесі 1 сынып оқушысы Закария Вожжова Регина мен 11 сынып оқушысы Сәрсенбай Елжанға берілді.  1 сынып жетекшілері Г.С.Бданова, А.Т.Сабақпаева және Ескелді АПБ КҚҚТ аға инспекторы полиция майоры Акимбеков Бақыт Саламатұлы  қауіпсіздік туралы түсіндірме жұмыстар жүргізді. Оқушылар қауіпсіздік тақырыбындағы суреттер салынған кітапшаларды түсті қарындаштармен бояды.  Тұжырымдамаға сәйкес барлық 1-11сыныптар  «Мектепке алғаш қадам», «Жаңа жетістіктерге жетуге дайынмын», «Ой.Арман. Мақсат» тақырыптарында бейнероликтер түсіріліп әлеуметтік желіге жүктелінді.