01
сентябрь
2023
Мектебім -мейірім мекені
«Сыңғырла алғашқы қоңырау» атты алғашқы қоңырау салтанатты мереке
Қаратал орта мектебінде 2023-2024 оқу жылындағы алғашқы қоңырау мерекесі жоспарға сай өтті. Салтанатты іс-шара өткізілетін орын алдын ала тақырыпқа сай безендіріліп, музыкамен жабдықталды. Алдын ала қонақтарға, ардагер ұстаздарға шақыру жіберілді.
Салтанатты жиында Республикамыздың Туы шығарылып, Қазақстан республикасының Гимнімен басталды.
Жаңа оқу жылының басталуымен мектеп директоры Ғ.Н.Макипбекова алғашқы құттықтау сөз алды. Жетісу облысы білім басқармасы денешынықтыру, спорт, алғашқы әскери дайындық және қосымша білім беру ғылыми тәжірибелік орталығының оқу әдістемелік бөлімінің жетекшісі Абжаков Асхат Дүйсенбекұлы құттықтау сөз сөйлеп, оқушылар мен ұстаздарға ізгі тілегін білдірді.
Мектеп табалдырығын жаңа аттаған бүлдіршіндерді 11 сынып оқушылары сынып жетекшілерімен әсем әуен ырғағында ортаға салтанатпен әкелді. Кішкентай бүлдіршіндер оқушылық өмірге қатысты өлеңдерін оқып, 11 сынып оқушылары оларға ақыл, өсиеттерін өлең жолдарымен жеткізді.
2023-2024 оқу жылындағы алғашқы қоңырау соғу мәртебесі 1 сынып оқушысы Закария Әбілқасым мен 11 сынып оқушысы Долженко Викторияға берілді. Салтанатты жиын соңында әр сыныпта жаңа оқу жылындағы
«Мектеп- мейірім мекені» атты білім сабағы өткізілді.