14
август
2024
ОҚУ КАБИНЕТТЕРІН ПАСПОРТИЗАЦИЯДАН ӨТКІЗУ ЕРЕЖЕСІ
Оқу кабинеттері оқушыларды оқыту және тәрбиелеу үдерісін жоғарғы ғылыми-әдістемелік деңгейде ұйымдастыру үшін қызмет етеді. Пән кабинеттеріндегі сабақтар жабдықтарды, техникалық оқыту құралдары мен оқу материалдарын кешенді қолдануға арналады. Берілген сабақтар оқушыларды практикалық тәжірибе жұмыстарына бағдарлап, оқушыларды ерте бастан кәсіби дайындауға қызмет етеді.
Мектептердегі оқу кабинеттері тәрбиелеу мен оқыту әдістерін жетілдіруге шексіз мүмкіндіктер береді, мұғалім жұмысының мәдениетін, оның біліктілігін, оқушылардың білім сапасын көтеруге жағдай жасайды, балалардың өз бетінше жұмыс істеу дағдыларын қалыптастырады.
Кабинет – бұл оқу жоспарлары мен бағдарламасына сәйкес оқу мен тәрбие процесіне қажетті оқу құралдарымен, жиһазбен және техникалық заманауи құралдармен жарақтандырылған, оқушылармен сабақтарды, сыныптан тыс және факультатив сабақтарды өткізуге, оқу-тәрбие процесін жетілдіру мәселелері бойынша мұғалімдердің ғылыми және әдістемелік біліктілігін жүйелі түрде арттыруды жүзеге асыруға тиісті жағдайлар жасалатын мектептің оқу бөлімі. Сіздерге ұсынып отырған оқу кабинеттерін паспортизациядан өткізу ережелері 2024-2025 оқу жылына арнайы дайындалды.Мектеп әдіскері С.Турсункулова