Мекеме туралы мәлімет

Қаратал ауылында 1911-12 жылдары «Земск» бастауыш мектебі ұйымдастырылып, онда 15-ке тарта оқушы оқыды. Осы кезде ауылда 200-ден астам тұрғындар болды. Мектептің алғашқы мұғалімі жергілікті Червеев еді.1927 жылы мектеп жетіжылдық болды. Оны Алексей Иванович Богданов басқарды.Жалпыға бірдей білім беру шарасы ауданда 1930 жылдың 10 қарашасында аудандық «Долой неграмотность» (РОДН) қоғамын құрудан басталған еді.
1960 жылы сегізжылдық , ал 1963 жылдан бастап орта мектеп болды. Мектеп директорының ішінен ең көп жыл мектепті басқарған В.П.Сухоруков болды.
Сухоруков Павел Васильевич 1922 жылы 26 шілдеде Талдықорған қаласында шаруа семьясында туған. 1931-37 жылы Березовка жетіжылдық мектебінде оқыған.1938 жылы Қапал педучилищесінің 3 курсына түсті.1941 жылы Қызыл армия қатарынан Алматы қаласындағы жаяу әскерлер дайындайтын училищеге алынады. Училищені тез аяқтатып лейтенант атағын беріп, Сталинград майданына жіберіледі. Екі рет жараланады, 1946 жылы елге қайтады. 1946-48 жылы Березовск аудан кеңесінің председателі болады.
1949 жылы Қапал педучилищесіндегі оқуын аяқтауға түседі. Кейін Тройцк жетіжылдық мектебінде бастауыш сынып мұғалімі болды.
1953-55 жылдары Буденов орталау мектебінің директоры, 1958-63 жылдары Абай пединститутын бітіріп 1958-74 жылға дейін Қарата орта мектебінің директоры болды. Кейін Титов, О.Кошевой мектебінің директорлығына алынады.
1982 жылы зейнеткерлікке шығып 1984 жылына дейін Қаратал орта мектебінде тарих пәнінен сабақ береді. 1984 жылы еңбек демалысына шығады.
1994 жылы 22 қыркүйекте қайтыс болады.
1999 жылы тұңғыш он жылдықты бітіруші 21 оқушы еді .Олардың оны жоғарғы оқу орнына, алтауы орта арнаулы оқу орнына түсті.1950-58 жылдары биология пәнінің мұғалімі Франции мектеп жанындағы тәжірибе участогын ұйымдастырды. 1965-68 жылдары облыс бойынша бірінші орынға ие болды. Бұл кезде Ким Григорий Александрович жетекшілік етті. Ол кісінің еңбегі туралы «Биология в школе» журналында мақала жазылды.
1970 жылдары оқушылар жүгері мен қызылша өсіруден оқушы бригадасын құрып, аудан көлемінде алдыңғы орында болды. Жетекшісі Алексей Васильевич Рябов болды. Еңбектегі жемістері үшін оқушылар бригадасының мүшелеріне Совет Одағының қалалары мен тарихи орындарына баруға тегін жолдамалар берілді.
60-70 жылдары дене тәрбиесінің мұғалімі Маметов Ахметбек Рахимовичтің ұйымдастыруымен футбол командасы құрылды.
1966 жылы 2 маусымда 7 сынып оқушыларына ауыл тарихын зерттеу жөнінде тапсырма берілді.Кейін мектепке мектеп директорының басқарумен (әрі тарих пәнінің мұғалімі) мұражай ашылды.