«Заң мамандықтары» тақырыбында дебат

Қаратал орта мектебінде 2026 жылғы 20 қаңтар күні «Заң және тәртіп» айлығы аясында 9–10 сынып оқушылары арасында «Заң мамандықтары» тақырыбында дебат ұйымдастырылды. Аталған іс-шара оқушылардың құқықтық санасын қалыптастыруға және заң саласына деген қызығушылығын арттыруға бағытталды.
Дебаттың негізгі мақсаты – оқушыларға заң саласындағы мамандықтардың қоғамдағы маңызын терең түсіндіру, құқықтық сауаттылық деңгейін арттыру, заң үстемдігі қағидаттарын насихаттау, болашақ мамандықты саналы таңдауға бағыт-бағдар беру. Сонымен қатар оқушылардың сыни ойлау қабілетін, дәлелді әрі мәдениетті сөйлеу дағдыларын дамыту, пікірталас жүргізу мәдениетін қалыптастыру, азаматтық жауапкершілік пен құқықтық мәдениетті нығайту көзделді.
Іс-шара барысында қатысушылар өз көзқарастарын нақты дәлелдермен қорғап, құқық саласындағы түрлі мамандықтардың ерекшеліктері мен қоғамдағы рөлі жөнінде мазмұнды пікірлер білдірді. Дебат ойыны оқушылардың логикалық ойлау қабілетін дамытып қана қоймай, өз ойын еркін жеткізуіне, қарсы пікірді тыңдап, сауатты жауап беруге мүмкіндік берді.
«Заң мамандықтары» тақырыбында ұйымдастырылған дебат оқушылардың құқықтық білімін арттыруға, заң саласына деген қызығушылығын қалыптастыруға ықпал еткен, тәрбиелік мәні жоғары, мазмұнды іс-шара ретінде жоғары деңгейде өтті.
Іс-шараны ұйымдастырған:
тарих пәні мұғалімі – Нүкен О.
директордың тәрбие ісі жөніндегі орынбасары – Хуатхан М.
педагог-ұйымдастырушы – Шағраева А. Л.